أفريقيا برس – مصر. أكد الرئيس المصري عبدالفتاح السيسي، أنه سيتم إنشاء من 500 ألف إلى مليون وحدة سكنية في الإسكندرية خلال السنوات المقبلة.
وأضاف االسيسي: “لما نيجى نتكلم فى إسكندرية هناك ما يقرب من 140 ألف وحدة.. البرنامج لسه مخلصش حتى لو وصلنا لـ200 ألف وحدة، لأن إذا كنا بنقول إسكندرية 4 ملايين فاحنا رايحين لمدة زمنية مش كبيرة قوى لرقم على الأقل يزيد 500 ألف أو مليون خلال الكام سنة اللى جايين”.
وتابع السيسي خلال افتتاح محور أبو ذكرى بالإسكندرية: “عاوز نبص على المشروع ده .. هتبقا عندك قدرة تروح للصحراوى بمحور لن يقل عرضه عن 6 حارات لكل اتجاه.. هذا المشروع على 1500 فدان مش رقم بسيط والتصميم والإجراءات فى أبهى صورة، لأن لما نيجى نعمل تسكين متوسط او استثمارى حطوا فى اعتباركم كل عوامل النجاح والجذب اللى تخليكوا حاسين رايحين على مكان بيوفرلكم كل شيء، بدءا من مكان نفسه وتخطيطه وتصميمه وتنفيذه ثم الوصول إليه”.
وواصل الرئيس المصري: الأماكن اللى تم دراستها علشان تعمل نمو احنا عارفين أن داخل الإسكندرية بقت الكتلة السكانية وكثافة البناء عالية جدا اى حد هيفكر أن احنا نكمل ده ونزود جوه اسكندرية يبقا بنحط ضغط جامد جدا على مرافقها وعلى البنية الأساسية بتاعتها”.
السيسي يتحدث عن الفرق بين مصر 30 مليون نسمة و100 مليون نسمة
قال الرئيس المصري عبد الفتاح السيسي، إن شبكة الطرق في البلاد كانت تخدم في السابق 30 مليون نسمة والآن 100 مليون نسمة.
وأوضح السيسي: “مستغربين قوي من التكاليف.. خليني أقول لكم إن شبكة الطرق كانت تخدم 30 مليونا وعلشان كده ما كنتش تبني تنمية ولا حركة.. اللى إحنا بنعمله نحاول نعمل شبكة تناسب 100 مليون ويمكن لمدة 10 سنين كمان”.
وتابع الرئيس عبدالفتاح السيسي، خلال افتتاح محور المشير فؤاد أبو ذكري بالإسكندرية: “محور زى النوبارية كان ممكن ما يكلفناش لو ما كانش الناس اتعدوا على جسر المحور.. تخيلوا يا مصريين إن أنا بحمي جسر الترعة بالطريق.. أضطر علشان حماية الجسر أعمله طريق يخدم طريق ونحمي جسر أرض دولة .. ده معناه إن إحنا كدولة، المواطنين عندنا من كتر الأمور ما فكت مننا خلال السنين اللى فاتت خلاص بقا ابني عليه”.
وواصل الرئيس: محور المحمودية لو المحور ما كنش عليه أكتر من ألف أو ألفين وحدة على أرض دولة ودفعنا 700 مليون جنيه تعويض اجتماعي .. يعني رغم إنه مخالف ومش أرضه لكن قلنا ما نقدرش نسيب الناس كده ونمشيها.. اللواء هشام قال محتاجين 700 مليون جنيه علشان إخلاء المكان وإنشاء طريق بطول 70 كيلو”.
يمكنكم متابعة المزيد من أخبار و تحليلات عن مصر اليوم عبر موقع أفريقيا برس
