تصدر وسم #قصور_السيسي_للحجر قائمة الأكثر تداولاً المصرية، متجاوزاً 28 ألف تغريدة، حيث دعا المغردون لاستخدام القصور الخاصة بالرئيس عبد الفتاح السيسي، بدلاً من المستشفيات والجامعات والمدارس التي يجهزها النظام استعداداً للحجر الصحي. وذلك في حالة زيادة أعداد المصابين بفيروس كورونا الجديد، خلال الأيام المقبلة، بعد وصول العائدين من الخارج وحجرهم في فنادق على نفقتهم. وكانت حجة المغردين اعتراف السيسي الشهير “أيوه بنيت وهبني.. هي ليا.. دي علشان مصر”.
وكتب مازن: “#قصور_السيسى_للحجر.. هو أنا بابنى قصور لنفسي.. دا علشان مصر.. طب مصر عايزة تقعد 14 يوم في القصور اللي اتبنت علشانها”. وتقمص إيهاب وجيه دور السيسي، قائلا: “أنت بتقول يا واد قصور إيه اللي عاوزين ياخدوها ويقلبوها حجر صحي. #قصور_السيسي_للحجر”.
وغردت بيري أحمد: “حقنا ولا مش حقنا.. وبما أن رئيس الوزرأء بيقول ممكن يحول المدارس والجامعات حجر صحي.. لا عندنا #قصور_السيسي_للحجر بتاعت الشعب والفنادق كمان”.
ووصف أحمد صبحي الفكرة: “فكرة عادلة بما فيه الكفاية. #قصور_السيسي_للحجر”، وقال عز: “ناس ليها القصر وناس ليها البرص.. وعجبي. #قصور_السيسي_للحجر”.
وخاطب حساب “عابر سبيل” السيسي: “أنت قولت مش عاملها ليك دي لمصر اثبت مرة أنك راجل فًكلمتك. #قصور_السيسي_للحجر”. وعلق حساب “قهوة”: “أبسط حق من حقوق المصريين هو الاستمتاع بأموالهم اللي هي #قصور_السيسي_للحجر”.
أما “هنا مشرفني” فقالت: “#قصور_السيسي_للحجر.. بلاش القصور علشان انتصار متزعلش.. لو كان جيشاً وطنيا حقا لفتح المستشفيات العسكرية وجهز الفنادق الخاصة بهم لعلاج الشعب ومساعدة المنظومة الصحية اللي دمروها بفسادهم في مواجهة الفيروس.. لكي الله يا مصر.. مالنا غيرك يا رب”.
وتساءل حساب “عسكر كاذبون”: “#قصور_السيسي_للحجر.. يا شعب مصر المطحون وشايل طين السنين تفتكروا سيادة بلحة هيفتح ليكم القصور لا سمح الله.. أكيد لاء لأنه ببساطة سيادته عنده قصور في الأخلاق.. عنده قصور في الضمير.. عنده قصور في الإنسانية.. عنده أزمة أخلاق وأزمة شرف.. وفي الآخر هياخد اللقطة ويقولكم مفاتيح القصور ضاعت”.
وأكدت إيمان: “قصور إيه اللي للحجر دي.. إنتوا دارسين الكلام ده؟ رد عليهم يا كامل وفهمهم إن القصور دي بتاعت إنتصار. #قصور_السيسي_للحجر”.
