استقبل مغردون مصريون تمديد الرئيس عبد الفتاح السيسي حالة الطوارئ للمرة الحادية عشرة على التوالي، في مخالفة جديدة للدستور، بوسم #كفاية_طوارئ_يافاشل الذي تصدر قائمة الأكثر تداولا مع هجوم كبير على نظام القمع. كما تساءل ناشطون “أين الاستقرار إذا كانت البلاد لا تدار إلا بالطوارئ؟”.
وكان حساب “أسرار محمد علي” دعم الوسم ودعا للتغريد عليه وكتب: “علشان عارف أنك معدش لك أي شعبية والناس كلها عاوزه تخلص منك النهارده قبل بكره.. مش قادر تعيش من غير طوارئ.. متقدرش تستغني عن البلطجة.. وصلت لتفتيش التليفونات في الشوراع!! عاوز توصل بينا لفين أكتر من كده؟ مبتشوفش اللي البلد وصلت ليه؟! هنغرد علي هاشتاج #كفايه_طوارئ_يافاشل”.
وكتب مجدي كامل: “العاصمة اﻻدارية بقت مقر للهبل والاحتفاﻻت ومحل إقامة الجنراﻻت والعاصمة الأصلية وباقي المحافظات بقت مقرات للمآتم واﻻعتقاﻻت. #كفايه_طواري_يافاشل”.
وغرد مصطفى رميح: “إن القول بأنه يجب ان نتقبل حكومة سيئة خوفًا من الفوضى، يعني تمامًا أننا يجب أن نقتل أنفسنا خوفًا من الموت. #ثورة_لبنان #كفايه_طواري_يافاشل”.
وانتقدت إيمان ناجي: “بدل مايعمل طوارئ لإنقاذ البلد من الغرق فى المطر.. يعمل طوارئ لإسكات صوت كل من يقول آآآه. #كفايه_طواري_يافاشل”.
وقال نيمو: “في الوقت اللي العاصمة القديمة غرقانة في مياه الأمطار والناس بتموت بسبب عمدان الكهربا العريانة وناس كتير بيوتها اتخربت .. البهوات اشتروا دماغهم وسابوا المركب تغرق وراحوا العاصمة الإدارية الجديدة بتاعتهم يحتفلوا ويرقصوا ويغنوا. #كفايه_طوارى_يافاشل”.
وتذكر “موون”: “#كفايه_طوارى_يافاشل الله يرحم @DrAKTawfik الي كتب في عام 2008 #يوتيوبيا عن تحول مصر 2023 الى طبقتين طبقه أغنياء وفاسدين تحاوط مدينتهم أسوار يحميها المارينز الأميركي (العاصمة الادارية الجديدة) والطبقة الثانية الفقيرة الجاهلة عايشين في عشوائيات (الي يموتوا صعق كهرباء بسبب شوية مطره)”.
ولخصت ندى مصطفى: “ملخص رحلة السيسي لروسيا: 1- فشل في إعادة السياحة الروسية لمصر 2- فشل في حل أزمة سد النهضة 3- فشل في جذب أي استثمارات لمصر حيث أحتلت مصر المركز 114 من 190 في الدول الأكثر جذبا للاستثمار طبقا لتقرير البنك الدولي 2020 4 – نجح في جذب انتباه بوتين للون كراڤتيته. #كفايه_طواري_يافاشل”.
وغرد صلاح: “#كفايه_طوارئ_يافاشل.. طول ما الأشكال دي هي اللي بتتحكم في الشعب مايقدرش يعيش من غير طوارىء مع انهم ماتفرقش معاهم قوانين من عدمه فهم لا يعرفون غير قانون الغاب.. القوي يأكل الضعيف”.
وسخر مصطفى: “لقد تم تجديد حالة الطوارئ بنجاح ستنتهى حاله الطوارئ في السادس والعشرون من شهر يناير (الفان وعشرون) وأصبح لك صلاحية مدي الحياه.. شكرا لاستخدامك الدستور. #كفايه_طوارئ_يافاشل”.
وطالبت مريم: “كفايه بلطجة.. كفايه ظلم.. كفايه فساد.. كفايه قمع.. كفايه بقا يا سيسي. #كفايه_طوارئ_يافاشل”.
