دشّن مغردون مصريون وسم #دم_جنودنا_مش_للبيع، رداً على وسوم الكتائب الإلكترونية التي تحاول ترويج زعم التدخل العسكري في ليبيا ضد تركيا، ليدعو المشاركون في الوسم إلى عدم مشاركة الجيش في أي حرب خارج الحدود.
وفور تدشينه، وصل الوسم إلى قائمة الأكثر تداولا، مهاجما سياسة الرئيس عبد الفتاح السيسي للتضحية بأرواح الجنود مقابل “الرز الخليجي”. وكتب إبراهيم محمد: “كفاية دم.. كفاية نعوش.. كفاية جثث.. كفاية حرقة قلب أمهات وكسر أبهات على ولادهم.. ويا ريت عشان حاجة من أرضنا اللى اتباع منها ولا اتفرط في حقها.. اخواتنا دمهم غالي مش عشان شرعية حد. #دم_جنودنا_مش_للبيع”.
وتساءل حساب “وضوح”: “ازاي الحديث عن الخيار العسكري مع أثيوبيا بيورط الجيش المصري مع إنه مستحق؟!! ومنين الحديث عن الخيار العسكري في ليبيا مش بيورط الجيش المصري مع إنه غير مستحق ؟!! معقولة الوضع لسه مش مفهوم يا شعب مصر. #دم_جنودنا_مش_للبيع”.
ووجّه حساب “عسكر كاذبون” النصح: “#دم_جنودنا_مش_للبيع.. لما تحب تحارب وتدخل حرب تكون فيها أسد الكل يقف معك ويشجعك تكون حرب ضد عدو احتل أرضك وعرضك الخيارات المتاحة اما أن توافق.. أو تغادر أو تقاوم فتموت ولكنها موتة الرجاااااال”.
بدوره، تعجب أحمد إمام: “شباب مصر اللي زي الورد يموتوا في مظاهرات.. يموتوا في معتقلات.. يموتوا في الطرق والمواصلات.. يموتوا في التجنيد علشان السيسي يحصل شوية رزززز.. المهم ميكونش فيه غير شوية حوش يعترفوا للعصابة. #دم_جنودنا_مش_للبيع”. وخاطب “الألشجي” السيسي: “اوعي تكون فاكر ان دي هتبقى بص العصفورة علشان تفضل على الكرسي.. لا دي ليلة كبيرة اوي هتدخلنا فيها وساعتها مفهاش رجوع ومفهاش صلح.. يعني يا قاتل يا مقتول وانت هتهد الباقي من البلد يا سيسي. #دم_جنودنا_مش_للبيع”.
أما “المصري” فحذر: “يشغلكم كاهنهم الأكبر عن ثورتكم بتهديدات الخارج واهلاك وقود الثورة من شبابنا الذي سيُقتل لغير وجه الله ثم يحملكم نتيجة هذه الحرب الخاسرة في أرزاقكم وأقواتكم فلا تكونوا قادرين على الوقوف في وجه الظلم وقد احترق وقودكم وضاعت اقواتكم. #دم_جنودنا_مش_للبيع”.
وتمنت نور: “#دم_جنودنا_مش_للبيع.. كل جندي بيموت من 2013 لحد دلوقت ناره مش ف قلب أهله بس .. كلنا بنتحرق علشانهم ويا رب ما يكونش موتهم لباطل”. في حين أشار “مشمهندس”: “#الجيش_المصري .. إحنا بنكره السيسي بس مش بنكره جيش بلدنا ..نهايتك قربت ياسيسي. #دم_جنودنا_مش_للبيع”. ورأت هناء: “حوار الحرب ده وفتحة الصدر ما هو إلا عصفورة عشان ذكرى ثورة يناير ودعوات النزول .. احنا في حالة حرب يا كماعة انقذ الموقف يا سيسي!! #دم_جنودنا_مش_للبيع”.
